Hahay, Ang kinabuhi sa tao - Istoryaheee!

Hahay, kuyaw gyud ning kinabuhi, usahay dili ka kasabot. Lisod tugkaron. Daghang mga pangutana. Daghan kaayong mga panghitabo nga makapalibog. Bisag ako nakapangutana na sa akong kaugalingon. Daghan kaayo ko ug pangandoy sa akong kaugalingon ug sa akong pamilya. Pero mura man dili mi magkasinabot sa akong pangandoy. Sa tinuod lang, usahay makapangutana ko sa Ginoo kung ngano ingon ini man ang akong/among kapalaran. Kitang tanan gusto nga mahimong maayo ang kahimtang sa kinabuhi. Gusto nato nga himsog atong panglawas, walay sakit, naay maayong panimalay, maayo ang pamilya, walay gubot, nakapahuman ug eskwela ang mga anak, malinawon ug haruhay nga pagpuyo. Basta ang basic needs makab-ot lang, pwede na. So far makaingon ko nga maayo man among pamilya, although dili mi open sa among mga gibati sa usa't-usa pero makasulti ko nga ang gugma nagpatigbabaw gyud. Bisag pobre ra mi pero maayo man among relasyon sa usag-usa ug sa ubang tao. Pero lagi, aduna pud baya miy mga butang nga gikinahanglan. Lisod-lisoron pud lagi ta usahay usa pa makab-ot bisan ang mga basic nga panginahanglan sa tao. Pero proud baya ko nga bisan sa among kapobrehon, daghan baya mi natabangan sa among mga paryente ug sa ubang tao. Pero mas makatabang pa unta mi ug dako-dako kung abunda pud mi.

Bitaw, wala mo kabantay? Katong mga ngil-ad ug mga kinaiya or batasan, katong mga kurap, hakog, killer, mangtas, mga dili mutoo sa Ginoo, katong mga demonyo sa atong panahon mao pa hinuon ang nakatagamtam ug kaharuhay sa kinabuhi. Ingon sa Bibliya, "Blessed is the Poor (in spirit or materially)because theirs is the Kingdom of God." Pero unsaon man nimo ang Kingdom of God kung gutom ang tao? Unya moingon kita nga "sige lang, ana jud ng pobre, antus lang usa kay sure naman ka sa langit inig kamatay nimo." Toinks! Estoryaheeee!!! Dili ba pwede paboran pud ta sa Ginoo? Usahay, walay mahimo ang tao kung dili mag romanticize nalang, we appeal to our emotions. Dili ko muingon nga maayo na jud kong tao pero kung ikompara nato sa uban - sus! ambot lang. Usahay i-justify nalang nato ang mga butang nga nahitabo. Ihapon nalang daw nato ang mga blessings nga gihatag sa atoa without the monetary value like - kinabuhi, ginhawa, maayong panglawas, pangsinabtanay, walay kaaway, malinawong pagpuyo, mga higala, ang kinaiyahan ang simpleng katawa ug uban pa (by the way, mutuo ko ani) Well, acknowledged, even those who are not entitled aning mga butanga natagamtaman man pud ni nila - so what's the difference? To answer this, dili usa nato iapil ang out of this world notions, diri usa ta sa unsay nahitabo sa adlaw-adlaw - ang karon. The difference is --- sila busog, ug ang mga buotan - GUTOM. Hahay ang kinabuhi gyud. Pero sa laing bahin, Maayo nalang pud nga ingon ani ang nahitabo kay siguro lisod pud ang kahimtang nila kung buot hunahunaon. Ikaw, gusto nimo mahimong killer? Di ba dili? Libuga nako noh? hehe..Pero usahay makahuna-huna baya ko nga magbinugoy, basin pa diay,hehe. Bitaw, ang ako lang hangyo sa Ginoo ba, (kung makabasa man gani ka ani akong blog) nga unta, ayaw lang palabii ang pag-antus sa uban. Dili ba pwede nga abunda ka unya maayo pa jud kang tao? Unsa na sila nga category? - the middle force? Mga pinili? Mao ba ni sila ang makaadto sa purgatoryo? good for them.

Ingon nila, ang pobre kuno kay nahimong pobre kay mga tapulan man sila. Pero kung muadto ka sa mga bukid, ang mga farmers nato, mumata na sila ug alas 4 sa kaadlawon para magandam sa ilahang umahan, mapabulad sa adlaw sa udtong tutok, unya magtugway sa kabaw, mouli na sa ilaha gabii na sa alas otso -- karon, tapulan ba na sila? bahala namo mangutana kung nganong igon ani man ang nahitabo. Ug usahay sudlan dayon ni siya sa rebolusyonaryong panghuna-huna, tungod ang gobyerno nato kay dili makatarunagnon, adunay inhustisya, mao mga ang pobre musamot kapobre ug ang mga datu musamot kadatu, ug dapat atong isalikway ang Gobyerno ug atong ibarog ang tinuod nga Gobyerno sa mga Tao. Well, tinuod ni sya pero usahay we become so idealistic pud nga usahay mahimong idea nalang pud ang tanan --- Waaaaahhhh ambot! galibog nako. Pero usa lang akong masulti. Bisan pa man sa mga panghitabo nga dili maayo, padayon gihapon ta sa atong kinabuhi. Paglaum. No choice pero maglaum nalang jud ta, wala tay mahimo, free man ni sya. Kung duna gihapon kay paglaum, mutuo gihapon ka nga mahimong paborable ang tanan sa imoha, diri sa kalibutan ug sa laing kalibutan... Dili ka mutuo? Hala, Pagminatay diha ug hilak sa kilid, tan-awon nato kung naa bay mahitabo sa imoha, hehehe... Bitaw, naa man Siya kanunay namati sa atoa, muduol lang gyud ta sa Iyaha.